Facsimile view
Fuero de Medinaceli concedido a Murillo el Fruto
Jn nomjne Dominj nostri lhesu X hec carta quam fecjt. Concjlium de medina celim super sujs foris ⁊ conssuetudinjbus cum beneplacito dominj Alfonsi regis.
Quj a ombre matare peythe LXX sueldos o LX sueldos ⁊ una meayla de oro. la tercera part ⁊ la tercera al rencuroso ⁊ la tercera
a los alcaldes ⁊ exeat por enemigo. ⁊ si no oujere ont peyte partan loquel faylaren ⁊ metan so cuerpo en preson. en mano del judez. ⁊ si
a tres nueu dias non diere el pecho metanlo en mano del rencuroso ⁊ no lo lisie njn lo mate. Si el se morjere muera. Et si fiador
non podjere auer el malfiesto feychor. èadesca el fiador lo que auja de padescer el malfechor. Et qui ombre matare sobre fiadura o so
bre saludamjento de coneylo de dia de lunes pierda el cuerpo ⁊ pierda el cuerpo ⁊ quanto oujere. Et quien demandare muert de ombre jure con xij
o lidie con so par. Quj demandare furto de X mencales a suso faga la manquadra con un uezino o fiylo de uezino ⁊ jure el otro
con xij o lidie a su par. ⁊ la escogencia sea en mano del rencuroso. ⁊ de x mencales en juso faga manquadra por su cabo. ⁊ jure el
con un uezino. ⁊ si non fiziere la manquadra jure con otro. ⁊ pagues. Quj metjere rencura ante judez ⁊ alcaldes en so capi
llo hi finque. Quj muger forçare ⁊ fuere uencjdo muera por eylo. Quj feriere fe con puyno a otro peche x mencales al re
ncuroso ⁊ Lx sueldos a alcaldes. Quj feriere a otro ⁊ fiziere liuores peche las ljuores precjadas ⁊ non passen las liuores de xxx ⁊ vij
mecales ⁊ medio ariba ⁊ Lx sueldos alos alcaldes. El omjzidio plano es xxx ⁊ vij mencales ⁊ medjo ⁊ una ocytaua es del rey. Las
calonjas del rey de furto son tanto como el capdal ⁊ non mas. Boz ó palazio ujere part tenga el judez ⁊ non firme. El merino
⁊ sea de la ujyla vezino non tenga boç sinon de moro o de judio. Quj feriere a otro en conceylo peche x mencales ⁊ medio al
rey ⁊ Elas calonjas quales las feziere por el fuero de la viyla al rencuroso. Quj enpellare a otro con sayna ⁊ con jra
e cayere en tjerra peche x mencales al rencuroso ⁊ Lx sueldos alos alcaldes ⁊ si non cayere en tierra pech v mencales. Quj a otro
diere golelada peche x mencales al rencuroso ⁊ Lx sueldos alos alcaldes. Quj a otro demandare sobre leuador ⁊ el otro dixiere dar uos lo
he ⁊ sobre esto lo feriere peche X mencales la meytat al rencuroso ⁊ la meatat a los jurados. Quj liuores feziere en cara de otro
peche las dobladas. Quj a otro feriere en la Cabeza peche X mencales ⁊ V mencales por las liuores ⁊ si fuere fendido peyte XX
mencales ⁊ sil sacaren uessos peche por cada osso V mencales ⁊ non passen de XXX ⁊ Vij mencales ⁊ medio arriba. Quj messare a otro peche X mencales
al rencuroso ⁊ LX sueldos alos alcaldes. Quj naufragare mjembro dotro peche XXX ⁊ Vij mencales ⁊ medio al rencuroso ⁊ LX sueldos alos al
caldes ⁊ exeat jnjmjcus. Otrossi faga qui a otro crebantare dient o dient o caxar ol metiere estiercol en la boca mas si testigos non oujere faga
la manquadra con un vezino ⁊ el otro iure con Xij. Quj feziere rotura a otro peche el uestido apreciado con V mencales. Quj escupiere
en la cara a otro peche X mencales al rencuroso ⁊ LX sueldos alos alcaldes. Quj feriere con armas uedadas si passare peche XX mencales al ren
curoso ⁊ LX sueldos alos alcaldes ⁊ si non passare XV mencales. Quj feriere a otro con palo o con piedra ⁊ non fiziere liuores ⁊ fiziere carde
no peche X mencales ⁊ LX alos alcaldes ⁊ cada polgada del cardeno peche j mencal. Quj uencjdo fuere por furto peche el furto do
blado al rencuroso ⁊ al seynor quanto fuere el furto ⁊ LX sueldos alos alcaldes. Quj preso fuere con furto peche el furto doblado al rencuroso
⁊ se iusticjado. Quj enparare a otro so enemjgo ⁊ si firmargelo podiere peche X mencales al rencuroso ⁊ LX sueldos alos alcal
des ⁊ si non iure con otro ⁊ parta se deyl. Quj despoiare a otro pano peche X menchales al rencuroso ⁊ LX sueldos alos alcaldes.
Quj a otro dixiere cornudo o gaffo o fududencolo o puta o gaffa peche un morauidi ⁊ el morauidi sea de tres mencales ⁊ jure que
no lo sabe en el. si jurar non quisiere peche al rey XXX ⁊ Vij mencales ⁊ medio ⁊ exeat injmjcus. Quj fuere a poblation o exier
de termjno de ujyla uenga al conceylo de la viyla o del aldea ssabbado a vesperas o Domjngo a missa ⁊ diga dexo mi heredat
a este mjo parient en comenda ⁊ qual que ora ujnjere ayla sua heredat salua. Quj esto non fiziere el tenedor firmar podiere que ayno
⁊ dia fue tenedor dessa heredat nol responda deyla. Quj debdo negare pagado ⁊ otrra uez demandare debdo peche X sueldos. Quj auer
malfiesto parare en judizio peche V sueldos. Quj entrare en plazo de nueue dias ⁊ lo negare de pues sil firmar pudiere con un
vezino pechel V sueldos. Quj oujere a pendrar pendre de exida de mjssa ffata tercja ⁊ si de tercja arriba pendrare torne la pendra
con V sueldos ⁊ si pendrare sin un uezino de la collacjon del debdor peche V sueldos la meatat a los alcaldes ⁊ la meatat al rencuroso. Et
qui pendrar si pennos faylar de un moraujidi o de mas non tome leyho njn fust njn bestido ⁊ si lo tomare peche V sueldos la meatat al renc
uroso ⁊ la meatat alos alcaldes mas si non fallare pennos de j moraueriddi penda lo que fallare ⁊ si non fayllare
pennos de j morauidi en quanto yh fallare uaya el iudez efagal poblar la casa si chela non poblare prenda el rencu
roso su deubdor et tengal fata quel page. Quj ouiere atestar por pendrar otro dia tieste con tres ombres ⁊ si la
puertal çararen o pennos le enpararen lieue el iudez ⁊ del pennos ⁊ prenda pora ssi pennos por j sueldos ⁊ del annal
Text view
