RAE_54_Malpica_2_Page_384

RAE_54_Malpica_2_Page_384

Javascript seems to be turned off, or there was a communication error. Turn on Javascript for more display options.
LIBER DECIMVS nie primero. E por aquel tenimiento daquellos .viij. dias: nenguna calonna non aya. si daquel dia que la de manda fasta .xxxª. annos pudiere mostrar por si o por otri que la cosa deue seer suya. E si lo non podiere mostrar si es biuo aquel que la demando: fagal emienda qual deue fazer aquel que demandaua la cosa a o tri con tuerto. esi alguna cosa ende despendio o pa ro mal: peche lo en quatro duplos. edalli adelantre: non puede fazer nenguna demanda sobre aquella cosa nin el nin omne de su parte. E esto mandamos guardar en esta ley. que si fueren muchas las cosas que fueren demandadas e en mu chos logares e un omne faze demanda de todas: la possession quel diere el alcalde del una: leuala tanto cuemo si la metiesse en todas. ela carta que deue en uiar el alcalde al sayon: deue seer desta forma. Tal alcalde a tal sayon: salud. Mando uos que tal cosa que fulan demanda a fulan que tiene agora en su poder: que gela metades en poder sennalada mientre ante dos testimonios o ante tres: que la tenga fasta .viij. dias. E si alguna cosa es dentro que non sea sennalada de su sennor: que la sennaledes de uuestra sennal por que non aya hi nen gun enganno. E uos don sayon non tomedes ende nada∴ Que los que son echados de la tierra o presos si algun omne tiene su cosa .xxx. annos: nol deue empeecer .viª. Ley.

Descargar XML • Descargar texto