Text view

RAE_54_Malpica_2_Page_397

Javascript seems to be turned off, or there was a communication error. Turn on Javascript for more display options.
TITULUS SECUNDVS otros todos aquella demanda segund el derecho. E si el alcalde se defendiere por alguna razon tortizera e non quisiere desfazer el iuyzio que yudgo amonestando lo el obispo de se conuertir dello e nolo quisiere meiorar segund el derecho e porfiare e fuere rebelle que su iuyzio uala: estonce el obispo puede yudgar el pleyto daquel que recibio el tuerto cuemo touiere por derecho. e faga end un escripto en que tracte en que yudgo el alcalde tuerto eque emendo el obispo e que fizo. e enuie al rey el escripto o el traslado del iuyzio que yudgo con el que recibiera el tuerto que el emendo. e el rey depues que lo entendiere: que mande que sea firme el iuyzio e estable. e que entienda aqual dambas las partes yudgo derecho. Esi el alcalde tortizero defendiere al que recibiera el tuerto que non uaya al rey. e lo porlongar por que lo non sepa el rey. efuere prouado el tuerto contral alcalde: peche al rey una libra doro. Titolo segundo de los ereges ede los iudios ede las sectas. sus capitolos son .xvij. Capitolo primo. Qve depues que las leyes fueron dadas alos fie les de dios: conuiene nos de fazer ley a los non fieles. ij. De toller todos los yer ros de todos los ereges. .iij. Delas leyes que fueron dadas por la maldad de los iudios .iiij. de toller el yerro delos iudios .v. Que los iudios non fagan su pascua segund su ley. vi. Que los iudios non

Descargar XML • Descargar texto