Text view

RAE_54_Malpica_2_Page_403

Javascript seems to be turned off, or there was a communication error. Turn on Javascript for more display options.
TITULUS SECUNDUS errancia. ni ala su descomulgada ley. e nenguno nola tenga en su coraçon. ni la diga de la boca ni la amuestre del fecho la engannosa ley de los iudios que es contrariosa a la de los xpistianos. E nenguno non asme nin cuede de quebrantar nin murmurar contra los establecimientos de los xpistianos que son fechos publica mientre. e nenguno non encubra aquel que es sa bidor delas cosas que son defendudas o que las faz. e nenguno non tarde de descobrir aquel que las encubre. Ca todos aquellos que traspassaren aquello que nos establecemos de suso: abran la pena que es establecida en la ley. Que los iudios non fagan su pascua segund su ley .vª. Ley: Nengun iudio que es fecho xpistiano: non faga su pascua en la quarta decima luna de nengun mes nin faga fiesta en aquellos dias que an costumbrados nin guarden nengunos dellos las fiestas mayores o menores segund su yerro antigo. E nenguno dellos non guarde las ferias nin los sabados ni las otras fiestas daqui adelantre. nin sea osado de las ordenar nin de las tener daqui adelantre. Esi algun dellos fuere fallado en esto: reciba la pe na e la uindicta que es estable cida especial mientre. Que los iudios non se casen segund su ley .viª. ley∴ Nengun iudio que es fecho xpistiano: non sea osado de se casar con su parienta nin faga con ella adulterio nin casamiento fasta .vi°. grado. e nenguno non faga bodas si non segund la costumbre de los xpistianos. Ca silo fiziere:

Descargar XML • Descargar texto