RAE_54_Malpica_2_Page_447

RAE_54_Malpica_2_Page_447

Javascript seems to be turned off, or there was a communication error. Turn on Javascript for more display options.
TITULUS TERCIUS mandare el rey recabdar algunas cosas que sean a prouecho del comun por mandado del rey solo. E si algun iudio fuere osado de apremiar o constrennir a nengun xpistiano o lo matar o lo firiere o se mouiere contra el o lo desondrare ol fiziere nenguna cosa de quantas la ley defiende. o delas que la ley non departio nin determino: peche la meatad de toda su buena. e aya la el rey. e si non ouiere nada: reciba .c. açotes. e rayan le la cabeça. e aquel que pusiere a nengun iudio en nengun destos poderes contra nengun xpistiano si fuere omne noble o de grand guisa o algun oficiado de nuestros uarones: peche .x. libras doro al rey con premia e sin su gra do. E si fuere omne de menor guisa: peche .v. libras doro al rey. e si non ouiere nada de que peche: reciba .c. açotes. e rayan le la cabeça∴ De los sieruos de los iudios si se fizieren xpistianos que sean libres .xviijª. ley. Pves qui el apostol san paulo dize por predicar e enunciar de xpisto o por causa o segund uerdad: por end es derecho que assi cuemo aduxiemos e constrinniemos alos fieles. ala gracia de liberdad: bien assi demos alos non fieles alguna guisa e les abramos carrera pora beuir e guarecer. E por end establecemos que si algun sieruo de iudio quier uaron quier muger fuere sometido so su seruidumbre e quisiere uenir ala ley de xpisto: non gelo deuiede la seruidumbre nilo asconda de la fe nenguna cosa ni lo contraste nenguno. ni lo asconda della: nengun

Descargar XML • Descargar texto