RAE_54_Malpica_2_Page_451

RAE_54_Malpica_2_Page_451

Javascript seems to be turned off, or there was a communication error. Turn on Javascript for more display options.
TITULUS TERCIUS bien. ca bien cuemo sus maridos non se deuen quitar delantre el sacerdot: otro si ellas deuen ir ueer a los obispos e a los sacerdotes en aquellos dias con buenas mugeres quales el obispo escogiere: aquien se aconpannen toda uia. E tod aquel que fuere contra este mandamiento: rayan le la cabeça. e reciba .c. açotes en conceio. Otro si mandamos guardar por que los coraçones dalgunos sacerdotes carnales son uençudos con grand luxuria e con sabor de ensuziamiento ebuscan achaques ecarrera por que puedan conplir su luxuria. e por end establecemos establecemiento muy fuerte: que todo sacerdote guarde esta ley. ela faga seer estable contra las mugeres de los iudios que dixiemos: ques non aparte nengun sacerdot con nenguna dellas. ni este con ella solo en logar o se pueda ensuziar con ella. Onde si acaeciere que algun sacerdot use el zelo que deue por el nombre de xpisto en manera de luxuria e por fallar guisa pora fazer su sabor: sea despuesto de su orden. e sea echado de la tierra por siempre∴ Quando el iudio ouiere algun sieruo xpistiano si el obispo gelo demandare que lo non pueda tener .xxijª. Si algun xpistiano lego cogiere pora su seruicio algun iudio o alguna iudia elo touiere a bien fecho elo amparare. elo sacaren del poder que an sobrel los obispos elos sacerdotes. elo non enbiare al obispo o al sacerdot en los dias que deue quel ensennen e quel yudguen qui quier que fiziere lo que nos de-

Descargar XML • Descargar texto