RAE_54_Malpica_2_Page_452

RAE_54_Malpica_2_Page_452

Javascript seems to be turned off, or there was a communication error. Turn on Javascript for more display options.
LIBER DUODECIMUS fendemos: el obispo lo descomulgue e saque el iudio de su poder. e peche quien es to fiziere por cada iudio que amparare .iij. libras doro al rey∴ Que los obispos pueden apremiar a los iudios en todas cosas propria mientre .xxiijª. ley. Nos adelantamos en yudgar todas estas constitutiones e pora a cabar esta doctrina en los non fieles a los sacerdotes alos quales dios mando fazer la e acabar la. Dixo el sancto espiritu cuya melezina inchio el cerco de la tierra. Los sacerdotes manternan los mios iuyzios e yudgaran por las mis constituciones e por los mios acomendamientos. E por end damos poder a todo sacerdot que cumpla todo quanto nos esplanamos en esta constitucion so tal pleyto que nenguno non pueda anparar a nengun iudio nin razonar por el: por que el perseuere en su error e en su ley. mas todos los iudios que fueren en poder de los xpistianos: saque los desu poder el sacerdot e aya los en su guarda. e esplane les a ellos e aquantos ouiere e aquantos dellos fueren: la salud e la guarda de sus almas e que deuen entender e que deuen fazer de la ley catoliga. E el su mayor estudio e el su pensamiento sea de non enperezar ni seer negligente de nenguno destos capitolos que auemos esplanados. e quelos cumpla segund dixiemos e mandamos∴ De la pena de los obispos e de los alcaldes si estos iuyzios non fizieren tener a los iudios e fazer

Descargar XML • Descargar texto