RAE_54_Malpica_2_Page_083

RAE_54_Malpica_2_Page_083

Javascript seems to be turned off, or there was a communication error. Turn on Javascript for more display options.
TITULUS PRIMUS: la ley: fagan emienda por el danno e por el tuerto que fizieron. cuemo ellos deuien constrennir a otri que fiziesse tal cosa∴ El rey don flandio resdo. De los que non quieren uenir por mandado del rey .xxxiª. Todo omne que non quiere uenir por mandado del rey. o que diz por enganno que nolo oyo o que non uio su mandado. pues quel fuere prouado este enganno si es omne de mayor guisa: peche tres libras doro al rey. esi non ouiere onde las pague: reciba .c. açotes. enon pierda su ondra. Mas si por uentura dexo de uenir por grand enfermedad o por grand tempestad o por llenas daguas. o por grand nieue. o por algun enpieço que non pudo escusar. si esto fuere demostrado: non deue seer culpado. nin deue auer nengun danno. ca lo fizo con grand coyta∴ Titolo .ij°. del comienço delas razones. capitolo .i°. Qve nengun omne non se puede escusar que non responda por dezir que su otor daquel quel demanda: nol demando nunqua nada .ij°. Qve los pleytos non deuen seer estoruados por uozes nin por bueltas .iij°. Qve si los que se querellan fueren muchos deuen escoger uno o dos. desi que trayan el pleyto .iiij°. Qve el alcalde o el sayon deuen constrennir ambas las partes por recabdo que uengan al pleyto el dia del plazo .v°. Qve depues que el pleyto es antel alcalde: las partes non deuen fazer composicion entre si sin mandado del alcalde. vi°. Qve ambas las par-

Descargar XML • Descargar texto