RAE_54_Malpica_2_Page_088

RAE_54_Malpica_2_Page_088

Javascript seems to be turned off, or there was a communication error. Turn on Javascript for more display options.
LIBER: SECVNDUS pesquisas esus prueuas. y el alcalde deue catar qual prueua meior. esi por las prueuas non pudier saber la uerdad: estonce deue mandar a aquel de quien se querellauan que se salue por su sagramento que aquella cosa quel demanda nola ouo nin la ha. nin sabe dende nada nilo creye. nin que non fizo aquello quel dizen contra la otra parte. E pues que iurar aquel quel demanda tuerto: peche .v. sueldos doro non queriendo∴ El rey don flauio resdo. Si alguno faze trabaiar a otro con tuerto de luenga carrera. Ley .vijª. Nos deuemos toller el tuerto de los que fazen mal alos buenos. E por ende establecemos que todo omne que se querella dotro. elo faze uenir antel principe o antel alcalde con tuerto: pues el tuerto fuere sabido. silo fizo uenir mas de .Lª. millas o poco menos con tuerto: peche .v. sueldos por el tuerto quel demandaua. Esi lo fizo uenir .Lxª. millas: peche .vi. sueldos. E assi adelantre cuemo mas crecieren las millas por cada .x. millas peche .i. sueldo. E por .c. millas pechel .x. sueldos. Epor .Lª. millas le peche .v. sueldos. E asi quanto creciere el numero delas millas: tanto mas crezca el numero de la pena segund cuemo es dicho∴ El rey don flauio resdo. Si algun omne que es en tierra dun alcalde quiere llamar a otro que es en tierra dotro alcalde por se querellar del. viijª. Si algun omne libre o sieruo se quiere

Descargar XML • Descargar texto