RAE_54_Malpica_2_Page_097

RAE_54_Malpica_2_Page_097

Javascript seems to be turned off, or there was a communication error. Turn on Javascript for more display options.
TITULUS TERCIUS la deue fazer emienda al alcalde que yudgo primera mientre el pleyto easu aduersario por quel fizo trabaiar con tuerto assi cuemo manda la ley. Que el prouecho yel danno del pleyto deue tornara aquel que mete el bozero. y el bozero que non pierda su soldada .vijª. El danno y el prouecho deue pertenecer a aquel que metyo el bozero. Esi el bozero trae el pleyto fiel mientre cuemo deuie: el qui lo metyo por bozero nol puede dende toller e meter otro. ca tuerto seria que aquel que fiel mientre trabaiaua: perdiesse el precio de su trabaio. E toda uia el bozero ante que entre en el pleyto: deue poner con el sennor del pleyto quantol de. E si lo que uencio el bozero non entregare al sennor del pleyto fasta tres meses: deue perder el bozero quantol prometyo el sennor del pleyto y entregar aquella cosa asu sennor por mandado del al calde. esea en uoluntad del sennor del pleyto de meter otro bozero∴ Ley antigua. Del que es bozero si muriere sus herederos deuen auer lo quel fuera prometido .viijª. El que tiene bozero en el pleyto si se murier ante que el pleyto sea començado: lo que prometyo al bozero non uala nada. E si el bozero muere por auentura ante que el pleyto sea començado: non lieue nada delo quel fue prometido. Esi era acabado ante que el muriesse epor algun empieço por uentura el sennor del pleyto non auie aun recibida la cosa quel era yudgada sila cosa ouiera aquel plazo que el bozero fiziera que fuesse pagada: sus erederos del

Descargar XML • Descargar texto