Text view

RAE_54_Malpica_2_Page_100

Javascript seems to be turned off, or there was a communication error. Turn on Javascript for more display options.
LIBER: SECUNDUS: connoçudo cuya bondad non es sabida. y el que fuere monge o sacerdot edexare su orden. y el franqueado contra el quil franqueo. y los fijos del franqueado contra los fijos del qui lo franqueo. Estos non deuen recebir por testimonio en nenguna manera∴ Ley antigua. Que las testimonias non deuen seer creydas si non iuraren. esi ambas las partes dieren testimonias quales deuen seer mas creydas. esila testimonia non quisiere dezir uerdad o firmare falso. Ley .ijª. El alcalde pues que el pleyto fuere acabado e las testimonias fueren recabdadas o iuradas assi cue mo es dicho: deue dar el iudizio entre las partes. ca nengun omne non puede seer testimonia si non iurar. E si el una delas partes diere otras tantas testimonias cuemo el otra parte: el alcalde deue primera mientre catar quales deue seer mas creydas. e yudgue a los me iores. E si algun omne fuere scitado por mandado del alcalde e non quisiere dezir la uer dad odixiere que la non sabe y esto non quisiere yurar. o por gracia o por amor o por ruego non quisiere dezir la uer dad: si es omne de grand guisa nunqua mas puede seer testimonia en nengun pleyto. E si es omne de menor guisa. y es omne libre: non puede seer testimonia. edemas reciba .c. açotes e sea desfamado. Ca non es menor peccado de negar la uer dad: delo que es dezir mentira∴ El rey don citasiundo. De la testimonia que dize una

Descargar XML • Descargar texto