RAE_54_Malpica_2_Page_132

RAE_54_Malpica_2_Page_132

Javascript seems to be turned off, or there was a communication error. Turn on Javascript for more display options.
LIBER TERCIUS Esi el padre o la madre non fueren presentes: los ermanos elos parientes mas propinquos reciban las arras elas entreguen asu ermana∴ Que el padre muerto el casamiento delos fijos e de las fijas finca en poder de la madre .viijª. Si el padre es muerto: la madre puede casar los fijos elas fijas. Esi la madre es muerta o se ca sar con otro marido: estonce los ermanos deuen casar sus ermanas si los ermanos son de edad complida. mas si non son de tal edad: el tio las deue casar. Mas si el ermano es de edad complida enon se quisier casar por conseio de sus parientes: puede se casar por si con su ygual. Mas la ermana huerfana si algun omne conuenible la demanda: el tio o los ermanos fablen con sus parientes mas propinquos della. assi que comunal mientre lo reciban o lo dexen. Si los hermanos tardan el casamiento de su ermana. o si la manceba se casa por si: sin conseio desus ermanos .viiijª. Si los ermanos tardan el casamiento de la er mana por tal que ella se case por si por tal que non aya par te en la buena de su padre con sus ermanos. Esi ellos refusaren aquel que la demandare dos uezes o tres: el ermana pues que entiende el enganno delos ermanos. buscare casamiento con razon: aya su derecho entera mientre de la buena desu padre ede su madre con sus ermanos e saquelo de poder desus

Descargar XML • Descargar texto