RAE_54_Malpica_2_Page_154

RAE_54_Malpica_2_Page_154

Javascript seems to be turned off, or there was a communication error. Turn on Javascript for more display options.
LIBER TERCIVS eren con ella y es omne libre: reciba .c. açotes sila sierua fuere buena. e sila sierua fuere uil: deue recebir .Lª. açotes. e nenguno non gelo deue retraer. e si fuere sieruo: reciba .c .L. açotes. De las putas libres o sieruas. e si el alcalde por negligencia nolas pesquiriere .xvijª∴ Si alguna mugier libre es puta en la cibdad publica mientre. si fuere prouada muchas uezes erecibe muchos omnes sin uerguença assi: atal mugier deue la prender el sennor de la cibdad. e mandel dar .c. açotes de lantre el pueblo. e depues dexen la por tal pley to que nunqua mas la fallen en tales cosas. E si depues la connocieren que y torna: denle .ccc. açotes de cabo eden la por sierua a algun mesquino. e nunqua mas en tre en aquella cibdad. E si esta mugier faze aquella cosa de uoluntad del padre e de la madre que pudiessen ueuir daquello que ella gana ua. y esto pudiesse seer prouado contra ellos: cada uno reciba .c. açotes. e si fuere sierua e uiuiere en la cibdad assi cuemo es de suso dicho: prenda la el alcalde e mandel dar .ccc. açotes ante tod el pueblo. e desfuellen le la fruente e den la asu sennor por tal pleyto que la faga morar fuera luen de la cibdad. o que la uenda en tal logar que mas non torne a la cibdad. E si por uentura no la quisiere uender nin enbiar fuera de la uilla. y ella tornar fa-

Descargar XML • Descargar texto