RAE_54_Malpica_2_Page_169

RAE_54_Malpica_2_Page_169

Javascript seems to be turned off, or there was a communication error. Turn on Javascript for more display options.
TITVLVS PRIMVS padre e la madre. de yuso: el fijo e la fija. e a estos son ayuntados otras mil personas∴ Del segundo grado .ijª. En la linna de suso del segundo grado: es contenido el auuelo y el auuela. En la linna de yuso el nieto ela nieta. De trauiesso: el ermano y el ermana las quales son personas dobladas. El auuelo y el auuela de parte del padre e de parte de la madre. El nieto e la nieta de parte del fijo. El ermano y el ermana asi de parte del padre cuemo dela madre. e estas personas son dobladas. Otro si en los otros grados seguientes estas personas. Del segundo grado son dichas dobladas. por que son dos auuelos dela parte del pa dre. e dos de parte de la madre. e dos nietos de parte del fijo. e dos de la fija. E de trauiesso uiene el ermano y el ermana del padre. y el ermano y el er mana de la madre que son llamados tios. y ellos otro si son doblados∴ Del tercero grado .iijª. ley. En el tercero grado uienen de suso: el bisauuelo ela bisauuela. de yuso: el bisnieto ela bisnieta. De trauiesso: el fijo e la fija del ermano e de la ermana. Hy el ermano y el ermana del padre. y el ermano y el ermana de la madre. Del quarto grado .iiijª. En el quarto grado uienen de suso: el trasauuelo ela trasauuela. e de yuso: el trisnieto ela trisnieta. De trauiesso: el nieto ela nieta del erma-

Descargar XML • Descargar texto