RAE_54_Malpica_2_Page_174

RAE_54_Malpica_2_Page_174

Javascript seems to be turned off, or there was a communication error. Turn on Javascript for more display options.
LIBER QVARTVS uen auer la heredad .iijª. Qvando non es nenguna persona de linage que uenga derecha mientre de suso o de yuso e non fiziera testamento: deuen lo auer los que uienen de trauiesso mas propinquos. E si muriere sin lengua: los que son mas de luenne: non deuen auer nada. Quien deue auer la buena daquellos que non fazen testamento .iiijª. La buena daquellos que mueren que non fazen testamento. ni ante testimonias. ni por escripto. Los que fueren mas propinquos deuen auer la buena∴ De los herederos de los ermanos e de las ermanas e daquellos que son dun padre o duna madre e non an herederos fueras los ermanos .vª. ley. Aquel que non a otro heredero si non ermanos y ermanas: estos deuen auer ygual mientre su buena. si fueren dun padre o duna madre. Mas si fueren dotro padre o dotra madre. los que son dun padre o duna madre: uengan a la buena de su ermano. E los ermanos dotro padre e son duna madre: deuen uenir egual mientre a la buena de la madre. E los que son dun padre e non duna madre: deuen auer ygual mientre la buena del padre. e cada un dellos heredara a su ma dre propria mient∴ Si aquel que muere dexa auuelo o auuela. Qvando el omne muere si dexa auuelos de parte del padre o de la madre: ambos deuen auer ygual mientre la buena

Descargar XML • Descargar texto