RAE_54_Malpica_2_Page_179

RAE_54_Malpica_2_Page_179

Javascript seems to be turned off, or there was a communication error. Turn on Javascript for more display options.
TITULUS SECVNDVS mata el omne. Hi en otro logar qui escarnece su padre e que escarnece su madre: saquen le los oios cueruos e coman le aguilas. E dize en otro logar. meior es que te rueguen tus fijos que tu tengas manos dellos. E por ende esto tenemos nos muy por sin razon. que aquellos ayan ganancia de la buena de los fijos que non leuaron pena por los criar. Onde segund esta ley podemosnos retraer a dios lo que fallamos en la sancta escriptura del ymno assi cuemo el padre a piadad del fijo: assi el nuestro sennor a piadad daquellos que lo temen. E salamon dize el fijo que es sabido: el ensennamiento es del padre. E dize en otro logar. mio fijo entiende tu la uez de tu padre e no lo fagas ensannar en su uida. E si le desfalleciere el seso: perdonage lo e no lo desprecies mientre fueres mancebo. E dize en otro logar. qui ama su fijo fiere lo amenudo. quien amuestra su fijo: sera laudado por ello en medio de sus enemigos. e dizran assi. muerto es su padre daquel e semeia que non es muerto. Ca dixo depues si su fijo que lo semeia uio lo en su uida y alegro se con el. y en la muerte non fue contristado con miedo de sus enemigos. Ca dixo pues si tal fijo que defiende la casa de sus enemigos: e ayuda a sus amigos. E por en de mientre nos acordamos destas cosas e dotras que fueron dichas por las prophetas del nuestro sennor∴ En esta ley manda que si la

Descargar XML • Descargar texto