RAE_54_Malpica_2_Page_208

RAE_54_Malpica_2_Page_208

Javascript seems to be turned off, or there was a communication error. Turn on Javascript for more display options.
LIBER QUINTUS tiempo quier faziendo ambos uida de se una∴ De lo que da el marido a la mugier edepues la falla en adulterio. Si el marido da alguna cosa a la mugier e la mugier depues de la muerte del marido non fiziere adulterio. mas estudiere en castidad. o se casare cuemo deue: de lo quel dio el primer marido puede fazer lo que quisiere si fijos non ouiere del. E si muere sin fabla e non a fijos si el primer marido es uiuo: deue tornar la donacion al primer marido. o a sus herederos si fuere muerto. E si faze adulterio e se casa cuemo non deue: deue perder quantol diera el marido. e deue tornar al primer marido o asus fijos della que ouo del casamiento legitimo. e si non ouiere fijos: torne en sus herederos del marido que fizo la donacion∴ De las cosas que son dadas por escripto. Las cosas que son luego dadas de mano: en nenguna manera no las deue demandar a aquel que las dio. E si auinier por uentura que la cosa que es dada sea luenne del logar. o fuere da da por escripto: non deue por ende menos ualer. que estonce semeia la donacion perfecta. pues que a ende el escripto daquel que gela da. mas que diga o son sus terminos o con que se tiene. Mas si aquel que gela dio dize que nunqua la dio nin fizo end escrip to. mas quel fue furtado el escripto: estonce aquel que dize quel es dada la cosa: deue lo prouar por testimonias

Descargar XML • Descargar texto