RAE_54_Malpica_2_Page_215

RAE_54_Malpica_2_Page_215

Javascript seems to be turned off, or there was a communication error. Turn on Javascript for more display options.
TITULUS QVARTUS fazer la uendida por que diga que lo uendio por poco precio∴ Si algun omne uende la cosa agena o la da .viijª. Si algun omne libre toma cosa agena o la compra ol es dada e la toma sabiendo lo que es agena. Si el sennor de la cosa lo pudiere mostrar: aquel que la tomo peche la en tres duplos al sennor. E si fuere omne franqueado: peche la en duplo. E si fuere sieruo e la tomar sin uoluntad de su sennor: peche la e reciba .c. açotes. De los que uenden o dan las cosas agenas .viiijª. ley. Si alguno uende o da cosa agena sobre la qual cosa es mouida pleytesia: el comprador non deue auer nenguna perdida. Mas aquel que la uende o la da: pague la en duplo al sennor de la cosa. e demas pague el precio a aquel que la compro. e tod el prouecho que y fiziera: asme lo el alcalde. e faga que lo entregue a aquel que la diera o a aquel que la uendiera. por tal que non pierda sus despensas e su trabaio. Otro si dezimos si uendiere sieruos o otras cosas o animalias∴ Que nenguno non uenda nin de la cosa que es demandada .xª. La cosa que es metuda en contienda: quando alguno la compieça de demandar. o si la puede auer con razon: no la deue nenguno dar nin uender. ni mudar dun logar a otro. Si el omne libre sufre quel uendan .xjª. Tod omne libre que denna seer uendido e lo manda a otri que lo uenda por partir el precio con aquel quel uende si quisiere seer depues libre:

Descargar XML • Descargar texto