Text view

RAE_54_Malpica_2_Page_233

Javascript seems to be turned off, or there was a communication error. Turn on Javascript for more display options.
TITULUS SEPTIMVS cio entanamientra del sieruo. nin el sieruo non pierda la libredad a que se aclama∴ Si aquel que anda libre es demandado por sieruo .iiijª. ley. Si aquel que es libre es demandado por sieruo: aquel que lo demanda por sieruo meta lo en prision. e el alcalde deue catar quel de recabdo que muestre su franqueza de si suelte lo que faga su lauor. e aquel que lo demanda: que nol faga nengun tuerto∴ Si algunomne tuelle alguna cosa a aquel que demando por sieruo .vª. Si algun omne tuelle alguna cosa al omne libre o al franqueado edepues le quiere demandar por sieruo: deuel entregar primera mientre lo quel tomo. edepues demandar le lo que quisiere∴ Si algun omne quiere demandar por sieruo el que dixo antel alcalde que era libre. Si algun omne llamo su sieruo libre antel alcalde. e depues le quiere demandar por sieruo: aquel finque por libre. hy este de otro sieruo al alcalde∴ Si algun omne dize que es sieruo por miedo.. Si algun omne libre se otorga por miedo que es sieruo: non uaya por libre si non pues que lo prouare antel alcalde. esi non pudiere prouar su libredad: sea sieruo daquel a qui se otorgo∴ Si aquel que es libre es demandado por sieruo osi aquel que es sieruo dize que es libre .viijª. Qvi demanda omne libre por sieruo: deue mostrar antel alcalde por que es su sieruo. O si aquel que es sieruo dize que es libre: otro si deue mostrar que es libre. Hy el alcalde deue tomar por testimonios los que fue-

Descargar XML • Descargar texto