Text view

RAE_54_Malpica_2_Page_244

Javascript seems to be turned off, or there was a communication error. Turn on Javascript for more display options.
LIBER SEXTUS pudier seer mostrado: purgue se por su sagramiento e peche quanto mandan las leyes pechar al quien faze tortizera demanda. Special mientre establescemos que la persona de menor guisa si quisier accusar al omne de mayor guisa: meta su cuerpo atal pena qual deue recebir el otro si este lo pudier prouar. Mas si lo non pudiere prouar aquello que dize: aquel omne que es de mayor guisa iure que lo non fizo nin tiene aquella cosa quel demandan. e depues que fiziere el iuramiento: aquel que fizo tuerta demanda: peche tanto quanto manda en la ley de suso. Mas la persona que fue re tormentada si quier sea noble si quier de menor guisa: assi deue seer tormentado antel alcalde o ante los omnes buenos que non prenda muerte nin pierda nenguno de sus mienbros. e deue seer tormentado tres dias. e si por uentura muere por mal querencia del alcalde o por algun enganno o por que tomara auer del otra parte e non quiso defender que nol fiziessen tan malos tormentos onde muriesse: por end el alcalde mismo sea dado en poder delos parientes del muerto quel den otra tal pena o otra tal muerte. E si el alcalde se pudiere purgar por su sagramiento elos testigos que fueren presentes yuraren que por nengun mal nin por nengun engano. nin por nengun auer nolo tormento por que muriesse nin por que perdies nengun mienbro si no por que el alcalde era de poco seso que non defendio quel non fiziessen

Descargar XML • Descargar texto