RAE_54_Malpica_2_Page_254

RAE_54_Malpica_2_Page_254

Javascript seems to be turned off, or there was a communication error. Turn on Javascript for more display options.
LIBER SEXTUS eren a otri∴ Titolo tercero. Delos que fazen abortar alas mugieres. Capitulo .i°. De los que fazen abortar las mugieres por yeruas .ij. Si el omne libre faze la mugier libre abortar por fuerça .iij. Si la mugier libre fiziere abortar ottra mugier libre .iiij. Si el omne libre faze abortar la sierua .v. Si el sieruo faze abortar la mugier libre .vi. Si el sieruo faze abortar la sierua .vij. De los que matan sus fijos en el uientre o despues que son nados. De los que fazen abortar las mugieres por yeruas. iª. Si algun omne diere yeruas ala mugier prennada por que la faga abortar o quel mate el fijo: el que lo fa ze prenda muerte. E la mugier que toma yeruas por abortar: si es sierua reciba .cc. açotes. E si es libre: pierda su dignidad. esea dada por sierua aquien mandare el rey∴ Si el omne libre faze la mugier libre abortar por fuerça .ijª. Ley. Qvi fiere mugier libre prennada en alguna manera. o por alguna occasion le faze abortar. si la mugier muriere: aquel prenda muerte por el omezillo que fizo. E si la mugier abortare e non muriere nin ouiere otro mal si el que la firio era libre e el ninno era formado: pechel .c.L.sueldos. Esi el ninno non era formado: pechel .c. sueldos∴ Si la mugier libre fiziere abortar otra mugier libre. iijª. Si alguna mugier libre fiziere alguna mugier libre por fuerça o por alguna occasion que pi-

Descargar XML • Descargar texto