RAE_54_Malpica_2_Page_274

RAE_54_Malpica_2_Page_274

Javascript seems to be turned off, or there was a communication error. Turn on Javascript for more display options.
LIBER SEXTUS sopiere sepa bien por uerdad que pechara la meetad delomezillo que es .c. e .Lª. ss. a aquel que lo demanda por que non quiso uengar el omezillo del muerto. Ela buena daquel quien fizo el omezillo non mandamos que nenguno la tome fasta que sea uengado si lo fizo∴ El rey don rescindo. Qve los parientes e los estrannos pueden acusar al que faze omezillo .xiiijª. Pves que los omnes que fazen los otros peccados deuen seer penados por las leyes assi cuemo merecen: tuerto serie que dexassemos de penar los que fazen el o mezillo. los quales manda el principe que sean mas pe nados. Onde por tal que aquel que faze omezillo non pueda sin pena escapar. e que nengun omne nolo deua escusar nin encobrir: primera mientre mandamos a los pari entes mas propincos del muerto que puedan accusar a aquel que fizo el omezillo. E si por uentura aquellos no lo quisieren accusar o tardaren por lo fazer dalli adelantre: todos los otros parientes lo pueden accusar e los ottros estrannos. E aquel quien quisiere escusar por algun enganno o defender al que fizo el omezillo o mostrare que lo quiere amparar por algun don: todo aquello que el deue auer por lo defender: peche lo en duplo a aquel que lo accusaua. Ca el omizero nunqua puede seer bien seguro quando sopiere que todo omne lo puede accusar. e que non se puede amparar de quien quier quel accuse∴ Si el que faze omezillo fuye ala eglesia .xvª. ley.

Descargar XML • Descargar texto