RAE_54_Malpica_2_Page_283

RAE_54_Malpica_2_Page_283

Javascript seems to be turned off, or there was a communication error. Turn on Javascript for more display options.
TITULUS SECUNDUS las otras cosas del moli no .xiij. Del danno que deue recebir el ladron e que deue dar en duplo el libre e el sieruo. xiiij. Qve el ladron pues que es preso sea presentado an tel alcalde. e si el omne libre faze furto con el sieruo que am bos fagan un emienda .xv. Si algun omne mata al ladron quese ampara con arma .xvi. Si algun omne mata al la dron que anda de noche .xvij. De las cosas agenas que om ne enguera mal que peche otro tanto por ello .xviij. de las cosas que omne toma en peli gro dagua .xix. De la buena de los herederos del ladron .xx. Si algun omne dexa el ladron o el mal fe chor que prendio .xxi. del sieruo que faze furto a su sen nor o a otro sieruo comel. xxij. Fasta qual tiempo el ladron deue seer preso e presentado al alcalde .xxiij. Si alguno mata ganado ageno en escuso por ma nera de furto∴ Ley antigua. Que aquel que busca la cosa defur to diga qual es el furto .iª. Aquel que demanda la cosa de furto: deue dezir al alcalde en escuso lo que demanda. e que demuestre por sennales lo que perdio. que sepa el alcalde la uerdad quando la cosa le aduxieren si a tales sennales cuemo el dize. o si es aquello lo que perdio. eassi lo creera de lo quel dixo∴ Si el sieruo faze furto seyendo sieruo o de pues que es libre .ijª. Ley. Si algun sieruo faze fur to asu sennor seyendo sieruo e lo franquea depues: el sennor que lo franqueo non de ue recebir danno por aquel

Descargar XML • Descargar texto