RAE_54_Malpica_2_Page_284

RAE_54_Malpica_2_Page_284

Javascript seems to be turned off, or there was a communication error. Turn on Javascript for more display options.
LIBER SEPTIMUS furto que fiziera ante. mas el sieruo franqueado mismo que lo fizo: deue recebir la pena y el danno que fue pues to en la ley. E si fiziere fur to depues que es franqueado: deue recebir tal pena e tal emienda cuemo si fuesse si eruo. E si el furto non fuere tal por que deua seer torna do en seruidumbre: finque por libre. etoda uia fagal emi enda∴ Si el sieruo que es uen dido a otro sennor faze fur to o algun tuerto al que lo uendio iijª. ley. El sieruo que torna a otro sennor por uen dida e furta alguna cosa al sennor primero ol faze algun danno a el o a otro: el alcalde lo deue pesquerir si lo fizo. E silo fallar por uerdad el sennor postrimero fagal emienda por el si eruo si quisiere. e si non quisiere: sea tormentado el sieruo segund cuemo fuere el fecho∴ Si el omne libre faze furto con el sieruo ageno .iiijª. ley. Si el omne libre furta con algun sieruo ageno o ro ba o faze fuerça o alguna cosa de las cosas uedadas si les fuere prouado: pague cada uno la meetad de la emienda que deue fazer por el furto el omne libre segund cuemo es dicho en la ley de suso. e ambos sean açota dos paladina mientre. E si el sennor non quisiere fazer e mienda por su sieruo: de el sieruo por emienda a aquel aqui fizo el danno. E si ambos fi zieren tal cosa por que deuen se er descabeçados: ambos prendan muerte de so uno∴ Antigua ley. Si el sennor faze furto con el su sieruo .vª. El sennor que ua fazer furto

Descargar XML • Descargar texto