RAE_54_Malpica_2_Page_311

RAE_54_Malpica_2_Page_311

Javascript seems to be turned off, or there was a communication error. Turn on Javascript for more display options.
TITULUS PRIMUS xxxª.moravedís a aquel a quien fizieron el tuerto. E si fuere sieruo elo fiziere sin uoluntad de su sennor: suffra la pena de suso dicha. e el sennor non aya nengun danno. y esta misma pena deuen sofrir aquellos que prenden cosa agena sin mandado de rey o de alcalde eque escriuen lo que fallan en ella∴ Rey don flauio. Que nengun omne non tome lo que otri tiene por fuerça .vª. ley. Nengun conde ni nengun uicario ni nengun mayor domo ni adelantado ni cogedor ni procurador ni omne libre ni sieruo non tome por fuerça lo que el ottro tiene en poder fasta que sea yudgado pues que aquel que lo tiene se aclama al rey o dize que es suyo o dize cu yo es. esilo tomare sin mandado del alcalde e non quisiere atender el iuyzio olo entrare por fuerça lo que otri touiere: todo lo que to mo o lo que entro entregue assi en sieruos cuemo en otras cosas todo en du plo al que lo fizo. e todo quanto iurare el que lo leuo por su sagramento que ouo end cada anno: entregue gelo. esi fuere sieruo e lo fiziere sin uoluntad de su sennor: reciba demas .cc. açotes. E si el sennor non quisiere fazer emienda por el duplo: de el sieruo por emienda e entregue toda la cosa con su fructo. Mas esto deue guardar en todas guisas el alcalde que si por uentura algun omne conseiare al sieruo ageno quel fuerçe alguna cosa de sus cosas por tal que falle

Descargar XML • Descargar texto