RAE_54_Malpica_2_Page_312

RAE_54_Malpica_2_Page_312

Javascript seems to be turned off, or there was a communication error. Turn on Javascript for more display options.
LIBER OCTAUUS sa o carrera de saccar a aquel sieruo de poder desu sennor si lo fallar assi el alcalde que el sennor de la casa lo fizo fazer o ge lo conseio que gelo fizies: todo quanto el sieruo leua ra: el sennor dela casa lo peche en .vij. duplos. Al sennor del sieruo segund el otra ley. e el sennor del sieruo aya su sieruo quito∴ Ley antigua. Si algun omne conuida a ottros por fazer alguna roba .viª. Si algun omne conuida a otros que fagan roba de ganado o dotras cosas: todo lo que robaren peche el que los conuido en .xi. duplos al que lo forçaron. e los que fueron con el en el conseio si fueren omnes libres: peche cada uno .v.ss. doro. esi non ouieren onde los paguen: reciba cada uno .Lª. açotes. e si el sieruo lo faze sin uoluntad del sennor: reci ba .c.Lª. açotes. e entregue quanto tomo∴ Que si el sennor non es en la casa o si es en hueste: nengun omne nol deue guerrear la casa. vijͣ. ley. Nengun omne non guerree casa agena mientra el sennor es en la hueste queriendo tomar end algo. E si algun omne entrare por fuerça la cosa que pudier uencer por iuyzio non seyendo el sennor dela casa en la tierra: entregue la cosa que forço en duplo. e si forçar tal cosa en que non a nenguna demanda: peche la en tres duplos. E si algun omne es coytado por el

Descargar XML • Descargar texto