RAE_54_Malpica_2_Page_313

RAE_54_Malpica_2_Page_313

Javascript seems to be turned off, or there was a communication error. Turn on Javascript for more display options.
TITULUS PRIMUS calde que uenga a pleyto ante que se uaya en la hueste: mandamos que responda por si o enuie escripto por otra persona que responda por el antel alcalde. E si el non quisiere responder nin quisiere dar otro que responda por el e assi se fuere con desden pues que es alcalde gelo faz saber: el alcalde entregue a aquel que demanda toda la cosa assi que el otro la pueda demandar depues que fuere tornado∴ Si los sieruos fazen algun mal mientre el sennor es en la hueste .viijª. El omne que es en hueste si los sus sieruos fueren fallados en algun mal fecho: el alcalde los deue castigar segund cuemo manda la ley. e segund la nemiga que fizieron. e si tal cosa fuere que deua el sennor fazer emienda o dar el sieruo por emienda: el alcalde deue tener los si eruos en guarda fasta que torne el sennor de la hueste que faga emienda del tuerto. o de el sieruo por e mienda. E si algun omne matar el sieruo con tuerto o si el alcalde los fiziere tormentar o matar con tuerto: el sennor quando tornare gelo puede demandar∴ De los que uan en la hueste que roban alguna cosa .ixª. ley. Tod omne que ua en hueste si roba o fuerça alguna cosa de los de nuestro regno. lo que fuerça entregue lo en .iiij. duplos a cuyo es. E si non ouiere de que pague el .iiij. duplo: entregue lo que tomo e reciba .c.Lª. açotes Esi lo fiziere el sieruo sin

Descargar XML • Descargar texto