RAE_54_Malpica_2_Page_315

RAE_54_Malpica_2_Page_315

Javascript seems to be turned off, or there was a communication error. Turn on Javascript for more display options.
TITULUS SECUNDVS que lo sopiere el alcalde: faga lo entregar al qui lo fizo en .iiij. duplos. E si fiziere otro danno o feridas o otras cosas: emiende gelo segund la ley. E si el sieruo lo fiziere sin uoluntad del sennor: reciba .c. açotes. e faga el sennor emienda por el si quisiere. esi non quisiere: de el sieruo por emienda. Si aquel que faze fuerça si lo matan hi .xiijª. ley. Qvien fuerça cosa agena si en la fuerça fue re ferido o muerto: el que lo ferio o el que lo mato non aya calonna nenguna∴ Titolo segundo de las quemas e de los quemadores sus capitolos son .iij. Primo De los que queman casas en cibdad o fuera. .ij. De los que queman monte .iij. De los que uan en carrera e fazen fuego. De los que queman casas en cib dad o fuera .iª. Ley. Tod omne que enciende casa agena en cibdad: prenda lo el alcalde e faga lo quemar. e fagal fazer emienda de la casa que quemo e del danno que hy ouo de la buena daquel que la quemo. e aquel cuya era la casa yure o diga por su sagramento quanto auie en la casa delantre omnes buenos quantos mandare el alcalde. e non diga mas delo que auie. e non deue preciar mas la casa de lo que ualie. E si despues que yuro le pudiere seer prouado que dixo que perdiera mas de lo que non auie por algun en ganno: quanto dixo demas peche lo en duplo al que fazie la emienda. E si por

Descargar XML • Descargar texto