RAE_54_Malpica_2_Page_322

RAE_54_Malpica_2_Page_322

Javascript seems to be turned off, or there was a communication error. Turn on Javascript for more display options.
LIBER OCTAUVS arcos de cubas o otra lenna sin uoluntad de su sennor del monte: el sennor del carro pierda los bueyes y el carro. e quantol fallare el sennor del monte: todo lo deue auer∴ Si los logares delos fruteros o de los pastos son mas fondos que non deuen .ixª. Si algun omne a uinna o prado en logar en que a fruto o pasto e por uentura fiziere cerca aderredor tamanna que non pueda omne passar si non por la uinna o por la miesse: el que passa sil fiziere algun danno: non es tenudo de gelo meiorar. E los campos que iazen desamparados en que non a fruto si alguno fiziere hi ualladares: nenguno non dexe de entrar dentro por aquellos ualladares nin por otras defesas quel fagan non hi auiendo fruteros. Antigua ley∴ De los que meten el ganado en miesses o en uinnas a sabiendas .xª. Ley. Qvien mete yeguas o oueias o uaccas o otro ganado en miesse agena o en uinna: peche tod el danno quanto fuere asmado. E si fuere omne de grand guisa: por buey o por cauallo por cada cabeça mayor: peche sendos sueldos. E por ganado menudo: pe che por cada cabeça una meaia. E si es omne de menor guisa: peche tod el danno. e la meetad de mas que es de suso dicha. edemas reciba .xLª. açotes. E si el sieruo lo fiziere si uoluntad de su sennor: el sennor peche tod el danno por el.

Descargar XML • Descargar texto