RAE_54_Malpica_2_Page_326

RAE_54_Malpica_2_Page_326

Javascript seems to be turned off, or there was a communication error. Turn on Javascript for more display options.
LIBER OCTAUUS por que su duenno non quiso uenir. E depues de tres dias: dexe el ganado. e si depues su sennor del ganado non quisiere recodir sobrel ganado ni fazer emienda sola mientre por el despreciamiento: peche el danno en duplo. E si aquel cuyo era el ganado uinier al que lo tenie encerrado e lo rogar que uaya con el a asmar el danno e que dexe el ganado. y el otro no lo quisier fazer e quisier matar el ganado si esto le fuere prouado: por cada cabeça de ganado mayor: peche sennos sueldos al sennor del ganado. e por cada cabeça de ganado menor: peche sen nas meaias. E otro tal derecho es daquellos que tienen el ganado encerrado en ante tres dias enolo quieren dezir al sennor. E si es sieruo aquel que lo faze si lo fizier sin uoluntad de su sennor: reciba .c. açotes. y el sennor non aya nengun danno∴ Si el ganado se sale de la miesse ante que lo echan fuera .xviª. Si el ganado sale dela mies. ante que sea echado fuera: nol deue el sennor dela mies prendar. ca non sabe el omne si fizo hy danno aquel ganado o otro. Mas si aquel cuyo es el ganado o otro omne lo echa fuera: el sennor del ganado sea tenudo de pechar el danno quanto apreciaren∴ Si algun omne llaga o fiere el ganado que falla en la miesse .xvijª. Si algun omne que falla ganado en su mies sil taia labros o oreias. o sil faze otra cosa. aquel ganado que deslaydo: sea suyo.

Descargar XML • Descargar texto