RAE_54_Malpica_2_Page_329

RAE_54_Malpica_2_Page_329

Javascript seems to be turned off, or there was a communication error. Turn on Javascript for more display options.
TITULUS QUARTUS la suya al sennor del animalia: si el sennor del animalia pudiere auer su animalia troa tercer dia. Mas si la non podiere fallar fasta tercer dia: dalli adelantre el que la tomo deue seer tenudo por ladron∴ Rey rescindo. Si algun omne la bestia que es enprestada trae o usa con tra uoluntad de su sennor .ijª. Si algun omne que lieua bestia enprestada ela da a otri que la corra e que faga en ella carrera sin uoluntad del sennor de la bestia por .x. leguas peche .i.sueldos al sennor de la bestia. E si la enprestare menos que .x. millas: fagal emienda segund el trabaio e segund la carrera. E si la bestia se a follare o muriere: el que la tomo enprestada aya aquella afollada o muerta. ede otra tal sana al sennor de la bestia∴ Si algun omne danna la cola o la coma del cauallo .iijª. Ley. Si algun omne taia la cola o la coma al ca uallo ageno: de otro cauallo sano al sennor del cauallo con el suyo sin otro alongamiento. E si fuere otra animalia: por ca da cabeça de animalia que deslaydare peche .i.moravedi. Antigua ley. Si algun omne castra alguna ani malia agena .iiijª. ley. Qvien castra cauallo ageno o otra animalia que por uentura su sennor tenie en guarda pora tener yeguas. o puerco o otra animalia que non deuie seer castrada: peche el duplo del animalia al sennor del animalia aquien

Descargar XML • Descargar texto