RAE_54_Malpica_2_Page_333

RAE_54_Malpica_2_Page_333

Javascript seems to be turned off, or there was a communication error. Turn on Javascript for more display options.
TITULUS QUARTVS Si algun omne liga cabeça de ganado muerto o huessos o otra cosa a la cola del cauallo o dotra animalia por tal que se espante. si el animalia por aquel espanto fuere muerta o enflaquecida: el que lo fizo de otra tal animalia sana al sennor. E si la bestia non ouiere nengun mal. el que lo fizo si es omne libre: re ciba .L. açotes. E si es sieruo: reciba .c. açotes∴ Si algun omne non quiere quitar de ssi el animalia que es braua .xvijª. ley. Si algun omne a buey brauo o otra animalia: mate lo luego o quite lo de si. e faga lo saber a los uezinos que lo quito de si. E si lo non quisiere matar ni lo quitar de si e lo quisier tener: quanto danno fiziere depues: peche el omezillo∴ Si algun omne faz algun guiamiento con mano o con otra cosa al animalia e lo mata .xviijª. Si algun omne enriza buey o can o otra animalia contra si: quanto danno le fiziere el animalia: torne se a su culpa∴ Si el can que es enrizado mata o muerde a algun omne .xviiijª. Ley. Si el can dalgun omne muerde a algun omne. ede la mordedura muere el omne o enflaquesce: el sennor del can non deue auer nenguna calonna si el sennor non enrizo el can quel mordiesse. E si el sennor del can enriza el can que prenda ladron o otro mal fechor e de la mordedura muere o enflaquesce el la dron o el mal fechor: el

Descargar XML • Descargar texto