Text view

RAE_54_Malpica_2_Page_369

Javascript seems to be turned off, or there was a communication error. Turn on Javascript for more display options.
TITULUS TERCIUS nero: en el segundo anno que nos regnamos∴ Titol tercero. De los omnes que fuyen ala eglesia. Primo capitulo. Sve el que fuye a la eglesia que nol saque nenguno della: si se non defendiere por armas .ij. Si aquel que fuye a la eglesia si se defiende por armas si lo matan .iij. De la pena que deuen auer los que sacan por fuerça los omnes de la eglesia .iiij. Qve el malfechor o el debdor que fuye a la eglesia: non deue seer sacado de la eglesia. mas deue pagar lo que deue∴ Que el que fuye a la eglesia que nol saque nenguno della si se non defendiere por armas .iª. Ley. Nengun omne non ose sacar por fuerça al que fuye a la eglesia: fuera end si se defendier por armas∴ Si aquel que fuye a la eglesia si se defendiere por armas si lo matan .ijª. Ley∴ El que fuye a la eglesia si non dexar las armas que touiere. sil mataren: el que lo mato non faze nengun tuerto a la eglesia. nin deue auer pena por la eglesia∴ De la pena que deuen auer los que sacan por fuerça los omnes de la eglesia .iijª. Si algun omne saca su sieruo o debdor dela eglesia o del altar por fuerça que gelo non de el sacerdote o el que guarda la eglesia: el que lo saca si es omne de grand guisa depues que lo sopiere el alcalde: fagal pechar .c. ss. ala eglesia por la desondra. E si fuere omne de menor guisa: peche .xxx. ss. e si non ouiere donde los pague:

Descargar XML • Descargar texto